ಚಿತ್ರ ಕೃಪೆ: ಗೂಗಲ್

ಸಂಜೆ  ೪ ರ ಸಮಯ, ಈ ಚಳಿನಲ್ಲಿ  ಬಿಸಿ ಬಿಸಿಯಾಗಿರೋ ಕಾಫಿ ಕುಡಿಯೋಣ ಅಂತ ಸೋಫಾ ಮೇಲಿಂದ ಎದ್ದೆ, ಫೋನ್  ರಿಂಗಾಯಿತು, ಮತ್ತೆ ಅವಳು ಕಾಲ್  ಮಾಡ್ತಾಳೆ ಅಂತ ಅಂದುಕೊಂಡಿರಲಿಲ್ಲ ,

ಕಾಲ್ ತಗೊಂಡೆ……

ನಾನು : ಈಗ ಹೇಗಿದ್ದೀಯ

ಅವಳು : ಹ್ಮ್o , ಊಟ ಆಯ್ತಾ

ಅವಳು ಯಾವಾಗಲು ಹಾಗೇನೆ ಕೇಳ ಬೇಕಾದುದನ್ನ ನೇರವಾಗಿ ಕೇಳ್ತಾ ಇರ್ಲಿಲ್ಲ

Hmm  ಅವಳೊಬ್ಬಳೆನೋ  ಅಥವಾ  ಹುಡುಗಿರೆಲ್ಲಾ ಹಾಗೇನೂ, ದೇವರೇ ಬಲ್ಲ………

ನಾನು : ಕಾಫಿ ಕುಡಿಯೋಣ ಅಂತ ಈಗ ತಾನೇ ಎದ್ದೆ

ಅವಳು : ಓಹ್ … ನಾನು  ತುಂಬಾ  ಲೇಟ್  ಆಗಿ  ಕೇಳ್ತಾಇದ್ದೀನಿ

ನಾನು : ಹಾಂ….  ತುಂಬಾನೆ  ಲೇಟ್  ಆಯಿತು,

(ಸ್ವಲ್ಪ ಸಮಯದ ನಂತರ )

ನಾನು : ಹಲೋ

ಅವಳು : ನನ್ನ ಫೋನ್ ನಂಬರ್ ಬದಲಾಯಿಸಿತ ಇದ್ದೀನಿ, ಹೊಸ ನಂಬರ್ ……

ನಾನು : ಮನಸನ್ನೇ ಬದಲಾಯಿಸಿದ ಮೇಲೆ, ಫೋನ್ ನಂಬರ್ ಯಾವ  …

ಮಾತನ್ನ ಮಧ್ಯದಲ್ಲೇ ನಿಲ್ಲಿಸಿದೆ,  ಮುಂದುವರಿಸೋಕು ಇಷ್ಟ ಇರಲ್ಲಿಲ , ಅವಳ ಹೊಸ ನಂಬರ್ ಕೇಳೋ ಗೋಜಿಗೆ ಹೋಗಲಿಲ್ಲ ಆದರೂ ಫೋನ್ ಕಟ್ ಮಾಡೋದು ಸರಿ ಇರಲ್ಲ ಅಂತ

ನಾನು : “ಕಾಫಿ  ಆಯ್ತಾ….”  ಅಂತ ಕೇಳಿದೆ

ಅವಳಿಂದ ಯಾವುದೇ ಉತ್ತರ ಕೂಡ ಬರಲಿಲ್ಲ, ಬಹುಶಃ ಅದೇ ಅವಳ ಕೊನೆ ಕರೆ ಅಂತ ಅಂದು ಕೊಂಡಿರಲಿಲ್ಲ.

…………

“ಹೇಯ್  ಕಾಫಿ  ಕೊಟ್ಟು  ಎಷ್ಟು  ಹೊತ್ತು  ಆಯಿತು, ಇನ್ನು ಕುಡಿದಿಲ್ವ” ಅಂದಳು  ಅಮ್ಮ .

ಓಹ್  ಹಳೆ ನೆನಪು, ಛೇ  ಕಾಫಿ ಆರಿಹೋಗಿದೆ……